مقالات سيو

كيف تصل بمقالتك للصفحة الأولي في جوجل؟

كيف تصل بمقالتك للصفحة الأولي في جوجل؟

كيف تصل بمقالتك للصفحة الأولي في جوجل ؟ ” دليلك الكامل “

النهارده باءذن الله هنتكلم عن رفع مقالاتك للصفحة الاولي في جوجل من خلال السيو

كيفية رفع المقالة للصفحة الأولي ؟

الوصول للصفحة الأولي في جوجل ومسك الكلمات المفتاحية لم يعد بالأمر السهل للأسف وال متواجد من فترة كبيرة في المجال يعرف دا كويس جداً ودا بسبب جوجل طبعاً جوجل ال زهقتنا في عيشتنا كل شوية تحديثات وقوانين ولوغارتيمات جديدة ودا طبعاً في النهاية بيكون لمصلحة المستخدم لتوفير أفضل خدمة تصفح له واحنا كأصحاب مواقع تحت أمر الزائر وجوجل سواء كان بمزاجنا أو غصب عنا لأننا محتاجين الزائر ده.

أنا عايز أقول من ذكر المقدمة دي أن تصدر النتائج ومسك الكلمات مش بالسحر أو في يوم وليلة لاأ دا شغل وتعب وبذل جهد يصل لشهور عشان في النهاية تحقق غايتك وهي غالباً ربح الفلوس $$$.

عشان كدا مفيش حاجة اسمها طرق سريعة لتصدر النتائج طبعاً هتقولي البلاك هات شغال وبيجيب نتائج سريعة أنا معاك طبعاً بس لأمته هيفضل موقعك متصدر النتائج بالاضافة الي أن جوجل وسياستها بتتطور كل يوم وليلة وتحديثات مستمرة يعني البلاك هات بقا معظمه مكشوف ومحفوظ عشان كدا خليك في الوايت هات وامشي صح واتعب في الاول وفي الآخر هترتاح والله …

كيفية رفع مقالتك للصفحة الأولي؟

بص يا كبير عشان تتصدر النتائج وتمسك كلمات لازم موقعك يكون الأفضل في كل حاجة ولازم تحط عينيك علي كسب ثقة جوجل لأن بها هتتصدر النتائج ..

عايز أقول من الجزئية البسيطة دي أن مستحيل موقعك يكون لسه عمره أسبوع ويتصدر النتائج الأولي حتي لو نفذت الخطوات ال هقولها في البوست دا مش هتتصدر بس من ناحية تانية موقعك هيتحسن أكتر وأكتر وفي النهاية توصل للصفحة الأولي لأن الموضوع بصراحة كدا مش سهل …

زمانك بتقول دلوقتي أومال انت عامل البوست ده ليه وعمَال ترغي بقالك ساعة.

بص يا كبير انت كدا كدا هتتعب والله وقدامك أقل حاجة شهر عشان تبدأ تشوف نتائج جيدة طبعاً دا للمواقع الجديدة …

خلاص كفاية رغي بقا ندخل في الموضوع علي طول.

غالباً السبب في عدم تصدر المقالات عموماً بيكون بسبب الأون بيج سيو الخاص بموقعك ممكن يكون فيه مشاكل زي القالب مش كويس وسرعة تحميل الموقع سيئة أو اعلانات بطريقة سيئة او غير مهيء لدخول العناكب.

وآخر عامل دا هنتكلم فيه كلمتين علي السريع .. غير مهيء لدخول العناكب من الأسباب الرئيسية لضياع موقعك نهائياً لان جوجل ومحركات البحث ما زالت تعتمد علي العناكب أو الروبوتس في عملية الأرشفة وللأسف العناكب دي غالباً ما بتكون بها مشاكل تقنية كثيرة عشان كدا ما تلعبش معاها خالص عشان تحافظ علي موقعك وطبعاً فيه اسباب ان موقعك يكون غير مهيء لها ومنها باختصار مشاكل الروابط وكثرة التحويلات وأيضاً زيادة طول الرابط عن الحد المسموح والتلاعب في ملف ROBOTS.TXT بطريقة تجعل العناكب مقيدة بشيء أو بأخر ..الخ ..

طبعاً مش هعرف أشرح الأون بيج سيو في البوست ده بس هو أصبح معروف للكثير من المستخدمين”بس لازم تهتم بالاون بيج سيو جداً جداً جداً وتحل المشاكل ااداخلية لموقعك”

تحسين المقالة

اتكلمنا عن المحتوي كتير قبل كدا طبعاً واتكلمنا عن أهمية المحتوي المطول وأن جوجل بتحبه وبتفضله عن المحتوي القصير ..

عشان كدا اقرأ الكلام الجاي دا بتركيز

“المحتوي هو الموقع” الزائر محتاج من موقعك ايه غير المقالات والمعلومات ال انت هتقدمها له من خلال الموقع عشان كده لازم الزائر يكون شغلك الشاغل وتحاول ترضيه بكل الطرق عشان أي زائر بيدخل لموقعك جوجل بتتبعه وبتعرف هو كان مستريح في موقعك والعكس وبالتالي بتقيم النتائج عشان كدا لو اشتغلت في مجال لازم تبدع فيه وتقدم محتوي مميز مطول مفيد ممتع هتقولي ازاي ؟ من خلال أسلوب كتابتك والمعلومات ال هتقدمها في مقالاتك لأن الزائر ببساطة داخل لموقعك عشان يستفاد حاجة جديدة عشان كدا لازم توفر النقطة دي في مقالاتك وهي أن المقالات تكون بتشد الزائر والعنوان والموضوع يشده ويجبره علي أنه يضغط علي الرابط بكدا هتكسب زوار دائمين زوار مش يدخلوا ويخرجوا بسرعة زوار بجد والمحتوي المطول يكون موضوعه جذاب شوية عن أي محتوي أقل منه عشان يجبر الزائر علي قرأته بالكامل.

ببساطة “سيطر علي الزائر .. تسيطر علي جوجل ونتائجها”

ملحوظة ” المحتوي المطول هو ما لا يقل عن 1500 كلمة ”

” سياساعدك موقع Buzzsumo للحصول علي أفكار لأبرز التدوينات الأكثر مشاركة للحصول منها علي محتوي فريد ومميز”

ولو نفذت جزئية انك تقدم محتوي بجد محتوي مفيد فعلاً مش عدد كلمات علي الفاضي هتريح نفسك في حاجات تانية كتير وهتحصل علي نتائج بسرعة ونتائج قوية ..

ومن ناحية تانية أهو نحسن من جودة المحتوي العربي شوية عن طريق النقطة دي ونقدم محتوي بجد لان المحتوي العربي تقريباً معظمه مكرر وبجودة أكتر من سيئة مقارنة بالأجنبي.

نيجي بقا لشغل السيو في الموضوع ده

هنتكلم عن قسمين في تحسين المقالات وهي تحسين المقالة داخلياً وتحسينها خارجياً …

تحسين المقالة داخلياً عن طريق تطبيق الخطوات والنصائج التالية:-

1- تحديد كلمة مفتاحية للمقالة وتحليلها وفحصها من حيث صعوبتها من خلال الموقع دا keywordrevealer .com وفحص مقالات المنافسين التي تتكلم عن نفس الموضوع لتقديم مقالة أفضل منهم ويجب أن تحددها جيداً لأن كل العوامل ستبني عليها ..

2- وضع عنوان لا يزيد عن 70 حرف وتكون الكلمة المفتاحية هي أول كلمة في العنوان ..

3- البعد عن وضع علامات مثل @ ! ؟ ” > ] لأنها تضعف من قوة العنوان ولا تضع أكثر من واحدة من – ، \

4- وضع الكلمة المفتاحية في الرابط ويجب أن تبتعد عن الروابط الطويلة أو السيئة وكما ذكرنا سابقاً أن أفضل عدد للكلمات خلال الرابط هو 3 أو 4 كلمات …

5- وضع الكلمة المفتاحية في الوصف ويفضل أن تكون أول كلمة أيضاً

ملحوظة : الوصف لم يعد له أهمية في السيو لذلك وضعه او عدم وضعه لن يؤثر علي نتائج موقعك ولكن الأفضل وضعه من أجل الزائر ..

6- ابدأ المقالة بصورة ولا تبدأها بنص …

7- توزيع الكلمة المفتاحية في المقالة بأكملها في أول فقرة وآخر فقرة وفي الوسط وفي كل منطقة من المقالة ويفضل أن تكون نسبتها الي النص 1% وهذه النسبة أكتر أمن وبعداً عن أي عمليات حشو ..

8- تحديد الكلمة المفتاحية وتمييزها بأي شكل او نمط ..

9- وضع صور حصرية وبجودة عالية وتفعيل كودALT Atributte وأفضل عدد هو من 5 : 15 صورة في المقالة الواحدة.

10- وضع الكلمة المفتاحية خلال التاجات H1 . H2 , H3 لأن لها دور في تقوية المقالة ..

11- تحسين سرعة تحميل موقعك والأفضل أن لا تزيد عن 2 ثانية وهذا عامل مهم جداً ***

12- تحسين شكل المحتوي وتنظيمه وتنسيقه بطريق جيدة بحيث يكون شكله جيد ومهيء للقراءة ..

13- وضع فيديوهات عن طريق “تضمين” خلال المقالة للتنويع في شكل المحتوي ويجب أن يكون متعلق بنفس المجال ويكون صاحب أثوريتي عالي …

14- وضع اقتباسات من المواقع القوية والمشهورة وجعلها في هيئة اقتباس في مقالاتك ..,, ,,

15- وضع ملفات لتحميلها خلال المقالة أياً كان نوع الملف (غير مهم )

16- الربط بين مقالات موقعك وبعضها البعض وخصوصاً المقالات الأخري التي لها أثوريتي عالي لأنها ستساعد علي تقوية مقالاتك الجديدة بسرعة ويمكنك معرفة Top Pages في موقعك من خلال موقع OpenSiteExplorer الخاصة بـMOZ وهذه العملية مهمة أيضاً **

” لاحظ ان الاشارة لمقالة 1500 كلمة ليس كالاشارة لمقالة 300 كلمة خلال عملية الروابط الداخلية من حيث القوة ”

17- الروابط الخارجية مهمة جداً خلال الموقع حيث أن وضع رابط لمواقع مشهورة مثل ويكيبيديا ويكي هاو ..الخ خلال مقالاتك وخصوصاً في أول فقرة يساعد في تقوية المقالة بدرجة كبيرة جداً وخصوصاً اذا ما تم وضع رابط خارجي لموقع موثوق وقوي علي الكلمة المفتاحية بطريقة (Anchor Text) سوف يكون من أكبر الروابط قوة علي الاطلاق ولكن احذر منه جداً لان الكثرة منه سبام ويعرض موقعك للعقاب من جوجل ..

18- تحسين جودة المحتوي وخلوه من الأخطاء النحوية واللغوية ..

ولا تنسي عملية الـFresh Conent الأكثر من مهمة.

التحسين الخارجي

يكون عن طريق اضافة المقالة لمواقع السوشيال بوكمارج القوية والمشهورة والتي ستعمل علي تقوية المقالة بدرجة كبيرة جداً والحصول من خلالها علي أرشفة قوية وعميقة

ومن أشهرها Delicious , StumbleUpon , , Diigo Reddit

ثاني خطوة مواقع WEB 2.0 فعالة جداً في هذه العملية والتي شرحنها من قبل بالتفصيل

وما تنساش السوشيال سيجنالز لأنها وسيلة قوية جداً للحصول علي ثقة جوجل في موقعك وتأثيرها علي المقالات يكون قوي جداً لذلك يجب أن يتم نشر المقالة بالكثير من الشبكات الاجتماعية وهذه عملية قوية جداً ومهمة زيها زي الباكلينكس بالضبط **

بالنسبة للأوف بيج سيو للمقالات فأنا بقتصره فقط في Guest post في مواقع WEB 2.0 و Social Bookmark Sites و Social Signals
يكفي الاستمرار في عمل الباك لينكس للمقالة لمدة أسبوع الي أسبوعين بمعدل 5 يومياً **
ما تنساش بقا عمليات الأرشفة والبينج ..

بعد اتمام الخطوات السابقة شاهد مقالتك تتصدر الصفحات الاولي في محركات البحث.

بالنسبة للمواقع المتقدمة والقوية نسبياً فلن تأخذ العملية ساعات وعن تجارب سابقة.

السابق
ماهى السوشيال سيجنالز وكيفية الحصول على تفاعل فى مواقع التواصل الإجتماعي
التالي
كيف تبدء بموقع جديد وتصل به من زوار عددهم صفر إلى زوار عددهم 50 الف زائر يومياً

اترك تعليقاً