الروابط الخلفية

الطريقة الصحيحة لعمل باك لينك ويب تو backlinks web 2.0

backlinks web 2.0

backlinks web 2.0

موضوع طويل بس مهم 😉

موضوعنا النهارده عن مواقع web 2.0 وكيفية الحصول منها علي Backlink قوي يساعد في رفع نتائج موقعك بسرعة.

الموضوع طبعاً كبير عشان كده هحاول أختصر بقدر الامكان 🙂

معروف طبعاً أن المواقع ال من نوع web 2.0 هي من أقوي المواقع في الشبكة العنكبوتية علي الاطلاق زي موقع الفيس بوك وتويتر ويوتيوب وانستقرام وغيرها كتير بس مش هنقدر نستفاد من كل موقع فيهم الا ال بيعطي صلاحية للتدوين والنشر زي موقع وردبريس و Tumblr و Weebly وبلوجر وغيرهم كتيير بس انت هتحاول تركز علي دول بس ولو عايز تزيد براحتك بس كمل قرآءة الاول بمجرد عمل مدونة مجانية في المواقع دي والنشر فيها وادراج الرابط الخاص بموقعك أنت كدا حصلت علي باكلينكس بس للأسف ضعيف ومش هيساعدك في النتائج أووي وخصوصاً في المجالات الصعبة طب هتعمل ايه بقا ؟
لازم تبحث عن مدونات منتهية وتكون طبعاً قوية بأثوريتي عالي والاهم تكون في نفس المجال الخاص بموقعك :).

وبرنامج Scrapebox هيساعدك في الحصول علي مدونات صاحبة أثوريتي ومتاحة للحجز والبرنامج مدفوع وشرحه كبير.
ومن ناحية تانية في خدمات بتوفر العملية دي ومن حسن الحظ أني لقيت بعضها من الروابط التالية والسعر رمزي 1$ و3$.
http:// bit. ly/2azAGg8 — http:// bit .ly/2advuCa

بعد اتمام الشراء أو ايجاد المدونة المناسبة في أي موقع web 2.0 هنيجي لجزئية المحتوي..

الباك لينك هيبقي من نوع guest post أو تقريباً نفس العملية بس هيكون قوي جداً بعد ما هيكون في مدونة من نوع web 2.0 وأيضاً مدونة صاحبة أثوريتي عالي يعني أنت ضربت عصفورن بحجر 🙂 …

المحتوي في العملية دي هيكون مهم جداً طبعاً مش هقول أنشر مقال 1000 كلمة والكلام ال اتكلمنا فيه قبل كدا طبعاً هيكون أفضل من حيث النتائج لو 1000 كلمة و 2000 كلمة بس عشان ما نصعب الأمور حاول ما يقل عن 300 أو 500 كلمة ويكون المحتوي حصري ويكون بشروط السيو علي الأقل أي غير مترجم وغير معاد الصياغة وكلام من كدا عشان ميبقاش الباك لينك ال هنحصل علي فيه نسبة سبام أو يؤثر سلبي علي الموقع.

وتحاول تراعي وضع الكلمة المفتاحية في العنوان والوصف وتمييزها خلال المقالة وتكون نسبتها في المتوسط 1% من كامل المقالة وما تنساش بردق تفعيل H1 TAG و H2 TAG و H3 TAG ووضع الصور وتكون حصرية …الخ من شروط السيو ال اتكلمنا فيها كتير قبل كدا بحيث أن المحتوي ما يكون ضعيف عشان نحصل علي نتائج جيدة.

بعد كل الرغي ده وتحقيق الغاية وهي الحصول علي باك لينك قوي ..

بعد انشاء محتوي جيد حاول أن منظومة الروابط الخارجية داخل مقالاتك تكون بطريقة أكثر من طبيعية يعني مثلاً ما تحطش روابط في الهيدر أو الفوتر وما تحطش الرابط في كل مقالة تنشرها ممكن مرة ومرة عشان الامر يكون طبيعي والأهم تنوع في طريقة الحصول علي الرابط مثلا

مرة علي الكلمة المفتاحية ( وطبعاً دي بتكون قوية جداً جداً في الرانك وبتعمل شغل عالي بس حاول تكون أقل عدد من النوع ده لأن الزيادة منه بتبقي سبام علي طول وطبعاً تأثير سلبي)

مرة تانية علي اسم الموقع ومرة تانية علي الرابط نفسه ومرة تانية “أضغط هنا” أو “من الرابط التالي” وطبعاً تضع الرابط.

فائدة التنويع ده بيقلل نسبة السبام جداً وبيكون أكثر امان 😉 ..

وحاول بقدر الامكان يكون الرابط بتاعك في أول فقرة من المقالة ومتنساش تضع روابط خارجية تانية مثلاً ويكيبديا ويكي هاو أي موقع من المواقع المشهورة عشان تأخذ فائدة منها للموقع نفسه وأيضاً يكون الأمر طبيعي لجوجل.

وبصفة عامة حاول ما تبين أنك عامل المدونة دي للباكلنيكس وفقط حاول تضع اعلانات وتضع مثلاً صفحة اتصل بنا أو سياسة الخصوصية مثل هذه الأشياء ال هنضحك بيها علي جوجل هههههه 🙂 يعني من الآخر يكون الموقع بشكل أكثر من طبيعي عشان الفائدة تكون كاملة ..

وطريقة مهمة أيضاً للحصول علي ثقة جوجل وعشان تظهر أن الأمر طبيعي هو عمل سوشيال سيجنالز للموقع بصفة عامة والمقالات بصفة خاصة عشان تكسب أكبر فائدة لرابط موقعك الأصلي…

بعد الحصول علي الرابط طبعاً تقوم بعمل الأرشفة و ping ال اتكلمنا عليهم قبل كدا عشان تحصل علي أرشفة قوية ومراجعة سريعة للرابط وبالتالي الحصول علي نتائج أسرع…

الأفضل تعمل خطة شهرية للعملية دي وتحطها في جدول وتطبقها كل يوم وتحاول تنوع بين wordpress , tumblr , weebly , blogger باعتبارهم الأقوي في الموضوع ده..

بكدا أنت فزت برابط قوي جداً ومميز لأعلي حد وهتشوف نتائج مبهرة قريباً ..

طبعاً في أشخاص هتقول أن لسه هعمل كل الخطوات دي دا وجع دماغ =D
بص يا دكتور لو عايز باكلينكس كويس اليومين دول تحصل منه علي رانك للموقع بتاعك لازم تتعب فيه جامد جداً
الروابط الضعيفة صدقني ما عاد لها قيمة عند جوجل بترميها في الزبالة والله =D عايز الصفحة الأولي أتعب عشانها محتوي وباكلينكس واحترم جوجل تحترمك وتعطيك نتائج حلوة لأن معدتش حاجة بتيجي بسهولة والصفحة الأولي معدتش سهلة والله أتعب هتلاقي

السابق
ما هو الباك لينك تعريف الباك لينك الصحيح
التالي
ما هو معدل الأرتداد bounce rate كود تخفيض معدل الارتداد

3 تعليقات

أضف تعليقا

  1. مستر اندرويد قال:

    الروابط الضعيفة صدقني ما عاد لها قيمة عند جوجل بترميها في الزبالة والله =D عايز الصفحة الأولي أتعب عشانها محتوي وباكلينكس واحترم جوجل تحترمك وتعطيك نتائج حلوة لأن معدتش حاجة بتيجي بسهولة والصفحة الأولي معدتش سهلة والله أتعب هتلاقي

  2. walid dib قال:

    السلام عليكم

  3. خليل قال:

    شكرا لك على هذا المعلومات معلومات خطيرة

اترك تعليقاً